Techie IT
Mission Khabar

थपिए ३१६७ संक्रमित, देशभर १ लाख २९ हजार ३०४ मा संक्रमण देखिदा ७२७ को मृत्यु


काठमाडौं । पछिल्लो २४ घण्टामा ३ हजार १६७ जनामा कोरोना भाइरस (कोभिड–१९) को संक्रमण पुष्टिसँगै नेपालमा कोरोना संक्रमितको कुल संख्या १ लाख २९ हजार ३०४ पुगेको छ । देशभरका प्रयोगशालामा १५ हजार ४३८ नमुना परीक्षण गर्दा ३ हजार १६७ संक्रमित थपिएका हुन् ।

नयाँ संक्रमितमध्ये १ हजार ७४६ जना काठमाडौं उपत्यकाका छन् । काठमाडौंका १४५१ जना, ललितपुरका १५२ र भक्तपुरका १४३ जनामा कोरोना पुष्टि भएको हो । पछिल्लो २४ घण्टामा देशका विभिन्न अस्पतालबाट १ हजार ८०० जना डिस्चार्ज भएसँगै ८९ हजार ८४० जनाले कोरोना जितेका छन् । देशभर अहिले ३८ हजार ७३७ संक्रिय संक्रमित रहेका छन् । सक्रिय संक्रमित मध्ये १३ हजार २ सय ९९ जनाको देशका विभिन्न अस्पतालमा र बाँकी २५ हजार ४ सय ३८ जनाको होम आइसोलेसनमा रहेका छन् ।

पछिल्लो २४ घण्टामा १२ जनाको मृत्यु भएसँगै कोरोनाबाट ज्यान गुमाउनेको संख्या ७ सय २७ पुगेको छ । आईसीयूमा २ सय ९० जना र भेन्टिलेटरमा ६६ जना संक्रमितहरु उपचाररत छन् ।


क्याटेगोरी : देश / प्रदेश, शिक्षा / स्वास्थ्य
ट्याग : #breaking

तपाईको कमेन्ट लेख्नुहोस्