Techie IT
Mission Khabar

मलेसियाको अध्यागमन विभागले गर्यो श्रम शोषणमा परेको ६ नेपालीको उद्धार


काठमाडौं । मलेसियाको अध्यागमन विभागले रोजगारदाता कम्पनीको श्रम शोषणमा परेका ६ नेपाली सेक्युरिटी गार्डको उद्धार गरेको छ । पीडित नेपालीहरुलाई एटिप्सम र एम्ला पुत्राजाया अध्यागमन मुख्यालय पेटालिङ्गजाया सेलाङ्गरको रोकथाम डिभिजनले एक अभियान सञ्चालन गरि उद्धार गरेको हो ।

गोप्य सूचनाको आधारमा बिभागका प्रहरीहरु पीडित नेपालीहरुलाई बन्धक जस्तै बनाएर राखेको होस्टेल निरीक्षण र चेकजाँच गर्न पुगेका थिए । सोही क्रममा उनीहरुले सूचनामा भनिएजस्तै अवस्थामा ६ नेपालीलाई भेट्टाएका थिए । पीडितहरूका अनुसार ६ महिनादेखि काम र तलब नदिएको पाइएको छ । रोजगारदाता कम्पनीले दैनिक जीवनका लागि कुनै सहयोग नगरेको आरोप पीडितले लगाएका छन् । उनीहरूलाई सुरक्षा दिएर सुरक्षित घरमा राखिएको र कम्पनी मालिकलाई बोलाइएको विभागले जनाएको छ ।

कम्पनी र उद्धार गरिएका नेपालीहरु बारेको सूचना गोप्य राखिएको छ । बिभागका महानिर्देशक दातुक खैरुल दाजामे दौडले मानव बेचबिखनको आरोपमा मानव तस्करी रोकावट तथा ब्यवसाय विरोधी ऐन २००७ को धारा १२ अन्तर्गत अनुसन्धान अघि बढाइएको जानकारी दिनुभएको छ ।


क्याटेगोरी : जीवन भोगाई, देश / प्रदेश, विश्व / विविध
ट्याग : #hot

तपाईको कमेन्ट लेख्नुहोस्