Techie IT
Mission Khabar

अष्ट्रेलियाको सिड्नीको तापक्रम ४० डिग्री, गर्मी छल्न समुद्री किनारमा भीडभाड


काठमाडौं, एजेन्सी । अष्ट्रेलियाको सिड्नीमा तापक्रम ४० डिग्री सेन्टिग्रेट पुगेसँगै जनजीवन अस्तव्यस्त भएको छ । यो तापक्रम पछिल्लो महिनाको अहिलेसम्मकै उच्च हो ।

अष्ट्रेलियाको मौसम विभागले न्यूनतम रातको तापमान २५ डिग्री सेन्टिग्रेड मापन गरेको छ । गर्मीले न्यु साउथ वेल्स लगायत पूर्वी र उत्तरपूर्वी भागहरूमा अग्नि सेवा निषेध गरिएको छ । दक्षिण अष्ट्रेलिया र भिक्टोरियालगायत देशका अन्य भागहरूमा पनि तापक्रममा पछिल्लो समय क्रमिक रुपमा बृद्धी देखिएको छ । तापक्रम बढेपछि समुद्री किनारमा सर्वसाधारणको ठूलो घुँइचो लाग्न सुरु भएको छ । मानिसहरु दिनभर नुहाउने, पौडी खेल्ने तथा पानीमा भिजेर बसिरहेका हुन्छन् । न्यू साउथ वेल्स स्वास्थ्य विभागले मानिसहरूलाई कोनाभाइरसको सम्भावित संक्रमण रोक्नको लागि भौतिक दूरी कायम गर्न आग्रह गरेको छ ।

मौसम विभागले उत्तरी एनएसडब्लु र दक्षिणपूर्व क्वीन्सल्याण्डका केही भागहरूमा यो हप्ता अझ तापक्रम बढ्ने जनाएको छ । सिड्नी आसपासको जंगलमा आगलागी हुनसक्ने र यसले तापक्रम अझै बढ्ने भन्दै सर्वसाधारण चिन्तित भएका छन् । कतिपय ठाउँमा लागेको आगो निभाउन नसकिएकाले पनि तापक्रम बढेको कतिपयको आँकलन छ । समाचार श्रोत :BBC


क्याटेगोरी : जीवन भोगाई, देश / प्रदेश, शिक्षा / स्वास्थ्य
ट्याग : #hot

तपाईको कमेन्ट लेख्नुहोस्