बैदेशिक रोजगारीमा धक्का : श्रम स्वीकृति लिनेहरु बढ्दैगर्दा नयाँ कोरोना भाइरसको प्रकोप
काठमाडौं । कोरोना महामारीकै अवधिमा झण्डै २६ हजार जनाले विदेश जान पुनः श्रम स्वीकृति लिएका छन् । श्रम, रोजगार तथा सामाजिक सुरक्षा मन्त्रालयका अनुसार पुस ८ गतेसम्ममा बिदामा स्वदेश आएर फर्कन खोज्ने २५ हजार ७५४ जनाले पुनः श्रम स्वीकृति लिएका हुन् ।
कोरोना महामारी सुरु भएपछि अन्तर्राष्ट्रिय उडान बन्द हुँदा र गन्तव्य देशले पनि प्रतिबन्ध लगाउँदा बिदामा आएका धेरै श्रमिक फर्कन नपाएका कारण अहिले श्रम लिनेहरुको संख्या बढ्न थालेको पाइएको छ । सरकारले गएको भदौ १४ गतेदेखि श्रम स्वीकृति खोलेपछि ७ हजारभन्दा धेरैले वैदेशिक रोजगारीमा जान श्रम स्वीकृति लिएका छन् । संस्थागत र व्यक्तिगत गरी ७ हजार ३३५ जनाले नयाँ श्रम स्वीकृति लिएको मन्त्रालयको रेकर्डमा छ । यस्तै १४ सय २१ जनाले वैधानिकरण गरेका छन् । गन्तव्य देशमा कोरोना महामारी सुरु भएपछि गएको वर्ष फागुन अन्तिम हप्तादेखि श्रम स्वीकृति र पुनः श्रम स्वीकृति दुवै रोकिएको थियो ।
बेलायतमा नयाँ स्वरुपको कोरोना भाइरस देखिन थालेपछि त्यसको प्रभाव नेपाली श्रमिक पुग्ने युएई, खाडी लगायतका मुलुकमा परेसँगै नेपालको बैदेशिक रोजगारी प्रभावित हुन थालेको छ । खाडीका देश ओमान, कुवेत र साउदीले सबै अन्तर्राष्ट्रिय उडानहरु रोकेका छन् । गन्तव्य देशले अन्तर्राष्ट्रिय उडान रोक्दा कतिपय श्रमिकहरु जान पाएका छैनन् भने टिकट काटिसकेकाहरु पनि स्वदेश फर्कनबाट बञ्चित भएका छन् ।
क्याटेगोरी : अर्थ / रोजगार, जनचासो / सामाजिक सञ्जाल, देश / प्रदेश
ट्याग : #hot
थप समाचार
भरखरै प्रकाशित
- १सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- २७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ३एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ४काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
- ५मानव बेचविखन गिरोहका नाइके प्रहरी खोरमा यस्तो छ अपराध श्रृङ्खला !
तपाईको कमेन्ट लेख्नुहोस्