Techie IT
Mission Khabar

वरिष्ठ गीतकार भैरवनाथ रिमालको निधन, आजै दाहसंस्कार


काठमाडौं । वरिष्ठ गीतकार भैरवनाथ रिमाल ‘कदम’को ८६ वर्षको उमेरमा शनिबार दिउँसो निधन भएको छ । पछिल्लो समय उनलाई चिरायु अस्पतालमा राखेर उपचार गरिएको र ४ दिन अस्पताल राखेर घर ल्याएपछि उनको निधन भएको बुहारी विद्या रिमालले जानकारी दिइन् ।

दशैँ अगाडि सामान्य कुराकानी गर्ने उनी दशैँ पछाडि धेरै बिरामी भएका थिए । उनलाई अन्तिम समयमा निमोनिया, मृगौलाको समस्या देखिएको थियो । लामो समयदेखि अस्वस्थ रिमाललाई स्मरण शक्ति ह्रास हुने अलजाइमर्सको समस्या थियो । वि.सं. १९९२ माघ ३ मा जन्मिएका रिमालले ५०० भन्दा धेरै गीतको रचना गरेका छन् । नारायण गोपालले स्वर दिएको ‘जुन फूल मैले चाहेको थिए’, अरुणा लामाले स्वर दिएको ‘उदास मेरो प्रेम कथा’ लगायत उनका थुप्रै गीत लोकप्रिय छन् । रिमालको अन्तिम संस्कार पशुपति आर्यघाटमा आज साँझ गरिएको छ ।


क्याटेगोरी : जीवन भोगाई, देश / प्रदेश

तपाईको कमेन्ट लेख्नुहोस्