बुधबार राष्ट्रपति जो बाइडेनको सपथ, अमेरिकाका ५० वटै राज्यमा उच्च सुरक्षा सतर्कता
एजेन्सी । अमेरिकाभर सुरक्षा सतर्कता बढाइएको छ । आउँदो बुधबार हुने राष्ट्रपतिको सपथ कार्यक्रममा हुन सक्ने सम्भावित हिंसा रोक्न भन्दै सबै राज्यहरुमा उच्च सुरक्षा सतर्कता अपनाइएको अन्तर्राष्ट्रिय सञ्चारमाध्यमले जानकारी दिएका हुन् ।
राष्ट्रपति डोनाल्ड ट्रम्पका समर्थकहरुले यसअघि संसद भवनमै आक्रमण गरेको अवस्थाको लेखाजोखा गरेको सुरक्षा संयन्त्रले फेरि पनि आक्रमणहरु हुनसक्ने खतरा औँल्याउँदै सैनिक परिचालन गरेर सतर्कता अपनाएको जनाइएको छ । सबै राज्यका संसद भवनअघि ट्रम्प समर्थकहरुले प्रदर्शन गर्ने सूचना आएको भन्दै सुरक्षा व्यवस्था अत्यन्तै कडा पारेको बताइएको छ । राष्ट्रपति पदमा निर्वाचित जो बाइडेनले बुधबार शपथ लिँदै हुनुहुन्छ भने राष्ट्रपति ट्रम्पले औपचारिक रुपमा हार स्वीकार गर्नुभएको छैन ।
ट्रम्पविरुद्ध महाअभियोग समेत दर्ता भएर अमेरिकी सिनेटको तल्लो सदनबाट पारित भएको समयमा अमेरिकामा सुरक्षा खतरा बढेको आँकलन गरिएको छ ।
क्याटेगोरी : देश / प्रदेश
ट्याग : #hot
थप समाचार
भरखरै प्रकाशित
- १देशभर बेमौसमी वर्षाः पहिरो र डुबानबाट ३० को मृत्यु, ३२ जना बेपत्ता
- २विराटनगर विमानस्थल जलमग्न, सबै हवाई उडान रोकियो
- ३सौराहामा बढ्न थाल्यो पर्यटकको चहलपहल, होटल र पर्यटन व्यवसायी उत्साहित
- ४सुदूरपश्चिमसँगै तराईमा भारी बर्षा : नदि तटिय क्षेत्रमा सयौँ फसे, जनजीवन प्रभावित
- ५अझै केही दिन पानी पर्ने, तीनवटा प्रदेशका केही स्थानमा भारी वर्षा
तपाईको कमेन्ट लेख्नुहोस्