काठमाडौं । काठमाडौं उपत्यकामा तापक्रम घटेसँगै अघिल्ला दिनको तुलनामा चिसो बढेको छ । काठमाण्डौंमा मंगलबार२ दशमलव ८ डिग्री सेल्सियस रहेको न्यूनतम तापक्रम घटेर आज दुई डिग्रीमा झरेको छ ।
राति आकाश सफा भएकाले बिहान चिसो भएको मौसमविद् समिर श्रेष्ठले जानकारी दिए । काठमाडौं उपत्यकासँगै देशको तराईमा पनि आज बाक्लो हुस्सु लागेको छ । जल तथा मौसम पूर्वानुमान महाशाखाले पूर्वी तराईबाहेक अरु ठाउँमा लागेको हुस्सु दिउँसो हटेर घाम लाग्ने सम्भावना रहेको जानकारी दिएको छ । पूर्वी तराईमा भने बेलुकीसम्मै हुस्सु लाग्ने आँकलन गरिएको छ । काठमाण्डौ उपत्यकामा विहानपख देखिएको हुस्सु घामसँगै हटेको छ । तराईमा दिनहुँ बाक्लो हुस्सु लागे पनि शीतलहर भने चलिनसकेको मौसमविद् श्रेष्ठले जानकारी दिए ।
४८ घण्टासम्म लगातार हुस्सु लागेको अवस्थालाई मात्र शीतलहर भनिने भएकाले तराईमा शीतलहर नचले पनि राम्रोसँग घाम नलाग्दा जनजीवन बढी कष्टकर भएको पाइएको छ । बाक्लो हुस्सुकै कारण तराईमा हवाइ उडान समेत लामो समयदेखी नियमित हुन सकेका छैनन् ।
क्याटेगोरी : जीवन भोगाई, देश / प्रदेश
थप समाचार
भरखरै प्रकाशित
- १लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन
- २सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- ३७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ४एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ५काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
तपाईको कमेन्ट लेख्नुहोस्