काठमाडौं । प्रतिनिधिसभा विघटनको विरोध गर्दै शनिवारपनि काठमाडौंमा प्रदर्शन भएका छन् । डा. गोविन्द केसी, पत्रकार नारायण वाग्लेसहितका नागरिक अगुवा विभिन्न स्वतन्त्र अभियन्ता तथा विभिन्न दलिय संघ संगठनका तर्फबाट प्रतिनिधिसभा विघटनको विरोधमा शान्तिपूर्ण प्रदर्शन भएका हुन् ।
‘प्रतिनिधिसभा विघटनको विरुद्ध अहिंसात्मक नागरिक प्रदर्शन’ लेखिएको ब्यानरसहित माइतिघरमा शान्तिपूर्ण प्रदर्शन भयो । नेपाली कांग्रेस आबद्ध पेशाकर्मी तथा श्रमिकद्वारा देशभर साङ्केतिक विरोध प्रदर्शन गरेका थिए । विरोधस्वरुप प्ले कार्ड, कालोपट्टी र कालो मास्क लगाएका समूहद्वारा काठमाडौँको टुँडिखेललाई केही समय मानवसाङ्लो बनाई घेराउ गरेर समेत प्रतिनिधिसभा विघटनविरुद्ध आन्दोलन गरिएको छ । प्लेकार्डमा ‘प्रतिनिधिसभाको पुर्नबहाली गर, संवैधानिक सर्वोच्चता कायम गर, सामाजिक भत्ता लागू, आमनागरिकलाई निःशुल्क खोप यथाशीघ्र वितरण, सबै श्रमिकको स्थानीय तहमा पञ्जिकरण र न्यूनतम पारिश्रमिक निर्धारण गर’ जस्ता माग लेखिएका थिए ।
सहभागिहरुले प्रतिनिधिसभा मार्न पाईँदैन, निरंकुश सरकार चाहिँदैन, संवैधानिक निकायको कब्जा बन्द गर, प्रतिनिधिसभा पुनःस्थापना गर लगायत नारा लेखिएका पोस्टरसहित नारा लगाएका थिए । भौतिक दूरी कायम गरी कालो मास्क र कालोपट्टी लगाई विभिन्न नारा लेखिएका प्लेकार्ड बोकेका पेशाकर्मी र श्रमिकले भने मौन विरोध प्रदर्शन गरेका थिए ।
क्याटेगोरी : देश / प्रदेश
ट्याग : #hot
थप समाचार
भरखरै प्रकाशित
- १सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- २७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ३एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ४काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
- ५मानव बेचविखन गिरोहका नाइके प्रहरी खोरमा यस्तो छ अपराध श्रृङ्खला !
तपाईको कमेन्ट लेख्नुहोस्