Techie IT
Mission Khabar

यी ५ देशमा नयाँ नो अब्जेक्सन लेटर जारी नहुने


काठमाडौं । सरकारले पाँच देशका लागि वैदेशिक अध्ययन स्वीकृतिपत्र (नो अब्जेक्सन लेटर) जारी नगर्ने निर्णय गरेको छ । शिक्षा, विज्ञान तथा प्रविधि मन्त्रालयका उपसचिव नारायणप्रसाद पोख्रेलका अनुसार बुधबारदेखि अष्ट्रेलिया, जापान, दक्षिण कोरिया, बंगलादेश र चीनका लागि वैदेशिक अध्ययन स्वीकृतिपत्र दिने प्रक्रिया बन्द गरिएको हो ।

मन्त्रालयले बुधबार सूचना जारी गर्दै कोरोना संक्रमणको नयाँ भेरियन्ट फैलिरहेको र सरकारले हालै कोभिड–१९ महामारीको दोस्रो लहर रोकथाम तथा नियन्त्रणसम्बन्धी आदेश जारी गरेको कारण देखाउँदै यी ५ देशमा तत्कालका लागि नयाँ ‘नो अब्जेक्सन लेटर’ जारी गर्ने कार्य स्थगित गरिएको बताइएको छ ।

वैदेशिक अध्ययन अनुमति पत्र दिन बन्द गरिएका यी ५ देश धेरै नेपाली विद्यार्थी अध्ययनका लागि जाने गन्तब्य मुलुक हुन । यी देशमा नै अध्ययन गरिरहेका विद्यार्थीको हकमा भने वैदेशिक अध्ययन स्वीकृतिपत्र दिइने मन्त्रालयले जानकारी दिएको छ ।

यस्तो छ मन्त्रालयले जारी गरेको सूचना :


क्याटेगोरी : देश / प्रदेश, शिक्षा / स्वास्थ्य
ट्याग : #hot

तपाईको कमेन्ट लेख्नुहोस्