Techie IT
Mission Khabar

जापानका आइची र फुकुओकामा आपतकाल, अन्य क्षेत्रको आपतकाल मे महिनासम्म


जापान । कोरोना संक्रमण बढेपछि जापानका विभिन्न क्षेत्रमा लगाइएको आपतकालको समयसिमा बढाइएको छ । जापान सरकारले टोकियो, ओसाका, ह्योगो र क्योटोमा ११ मे सम्म लगाइएको प्रतिबन्धलाई मे महिनाभर लम्ब्याउने निर्णय गरेको हो ।

प्रधानमन्त्री योशीहिडे सुगाले आज आइची र फुकुओकामा पनि आपतकालीन अवस्था लागू गरिएको जानकारी दिनुभयो । टोकियो ओलम्पिक हुन तीन महिना बाँकी रहँदा विभिन्न शहरमा आपतकालको समयावधि बढाइएको छ ।

टोकियो ओलम्पिक आयोजक समितिका अध्यक्ष सिको हासिमोतोले ओलम्पिक आयोजना हुन कठिन रहेको जानकारी दिनुभयो । संक्रमण बढ्दै गएमा टोकियो ओलम्पिक प्रभावित हुने देखिएको छ । कोरोना महामारीकै कारण २०२० मा ओलम्पिक स्थगित गरेर २०२१ जुलाइमा सारिएको थियो ।


क्याटेगोरी : देश / प्रदेश, शिक्षा / स्वास्थ्य, समाचार
ट्याग : #hot

तपाईको कमेन्ट लेख्नुहोस्