Techie IT
Mission Khabar

पुरानै सारथीसहित प्रधानमन्त्री ओलीले लिए सपथ, कस्तो रहला तेश्रो कार्यकाल ?


काठमाडौं । प्रतिनिधिसभाबाट विश्वासको मत गुमाएको तीनदिनमै ठूलो दलको संसदीय दलको नेताका हैसियतमा केपी शर्मा ओलीले प्रधानमन्त्रीको पद तथा गोपनीयताको शपथ लिएका छन् ।

संविधानको धारा ७६(२) बमोजिम दुई वा दुईभन्दा बढी दलबाट बहुमतसहित प्रधानमन्त्रीको दाबी पेश गर्न राष्ट्रपतिले दिएको तीनदिने समयसिमामा निवेदन नपरेपछि प्रतिनिधिसभाको ठूलो दल नेकपा (एमाले) संसदीय दलका नेता ओली प्रधानमन्त्रीमा नियुक्त भएका हुन् ।पुरानै मन्त्रिमण्डलसहित गरिएको शपथ ग्रहण समारोहमा उपराष्ट्रपति, प्रधानन्यायाधीश, प्रतिनिधिसभाका सभामुख, राष्ट्रियसभाका अध्यक्ष गणेशप्रसाद तिमिल्सिना, संवैधानिक अंगका प्रमुखलगायत सहभागी थिए । योसँगै ओलीले तेश्रो पटक प्रधानमन्त्रीको नेतृत्व गर्न पाएका छन् ।

संविधानको धारा ७६(३) बमोजिम प्रधानमन्त्री बनेका ओलीले एक महिनाभित्र जसपाको महन्थ–राजेन्द्र पक्षलाई सरकारमा सहभागि गराएर विश्वासको मत पाउलान वा महन्थ–राजेन्द्र पक्षलाई तटस्थ नै राखेर संविधानको धारा ७६(६) हुँदै मध्यावधि निर्वाचन तिर देशलाई धकेल्छन यो भने सबैले प्रतिक्षा गरिरहेका छन् ।


क्याटेगोरी : जनचासो / सामाजिक सञ्जाल, जनप्रतिनिधि, देश / प्रदेश
ट्याग : #hot

तपाईको कमेन्ट लेख्नुहोस्