Techie IT
Mission Khabar

कहिले पाउँछ दुर्गा प्रसाईंको बी एण्ड सी मेडिकल कलेजले सम्बन्धन ?


काठमाडौं । काठमाडौं विश्वविद्यालयले दुर्गा प्रसाईं सञ्चालक रहेको झापाको बी एण्ड सी मेडिकल कलेजलाई सम्बन्धन दिन चिकित्सा शिक्षा आयोगलाई सिफारिस गरेको छ । वैशाख ३१ गते बसेको काठमाडौँ विश्वविद्यालयको कार्यकारी परिषद्को ६२५ औँ बैठकले बी एण्ड सीलाई सम्बन्धन दिने बारे सिफारिस गरेको हो ।

केयुले सोमबार विज्ञप्ति जारी गर्दै बैठकले निरीक्षण प्रतिवेदनको आधारमा चिकित्सा शिक्षा ऐनको दफा १३ (६) अनुसार सम्बन्धनका लागि सहमति दिने र सिट संख्यासहित स्वीकृतिका लागि आयोगमा पठाउने निर्णय भएको जानकारी गराएको छ । यसअघि काठमाडौँ विश्वविद्यालयको ८९ औँ बैठकले सम्बन्धन प्रक्रिया अगााडि बढाउने निर्णय गर्नुका साथै विश्वविद्यालयको विज्ञ सम्मिलित टोलीले वैशाख २२ देखि २६ गतेसम्म कलेजको स्थलगत निरीक्षण गरेको थियो । सोही निरिक्षणका आधारमा सम्बन्धनका लागि योग्य भएको ठहर काठमाडौं विश्वविद्यालयले गरेको छ ।


क्याटेगोरी : अर्थ / रोजगार, देश / प्रदेश
ट्याग : #hot

तपाईको कमेन्ट लेख्नुहोस्