अमेरिकी करको मारमा चिनिया उत्पादन, नेपाली बजारमा समेत असर

एजेन्सी– चिनियाँ सामानमाथि अमेरिकाले बढाएको नयाँ कर कार्यान्वयनमा आएको छ । अमेरिकाले बढाएको दुई अर्ब बराबरका चिनिया उत्पादनमाथीको नयाँ करले व्यापार युद्ध झन् चर्काउने आँकलन गरिएको छ ।

अमेरिकामा नयाँ कर कार्यान्वयन भएसँगै चीनबाट अमेरिका निर्यात हुने आधाभन्दा बढी सामानमा करको असर देखिनेछ । अमेरिकामा चीनिया खाद्य वस्तुको बजार उच्च रहेका कारण करबृद्धिले आम उपभोगका सामानको मूल्य समेत बढाउनेछ । यो वर्षमात्रै अमेरिकाले तीन चरणमा गरी २ सय ५० अर्ब डलर बराबरका चिनियाँ सामानमा कर लगाएको छ । अमेरिकी राष्ट्रपति डोनल्ड ट्रम्पले ब्यापार असन्तुलन कम गर्न र रोजगारी जोगाउन आफूले पछिल्ला कदम चालेको प्रतिक्रिया दिने गरेका छन् । करिब ६ हजार प्रकारका चिनियाँ वस्तुमा थपिने नयाँ करलाई चीनले आर्थिक इतिहासकै सबैभन्दा ठूलो व्यापार युद्ध भनेको छ ।

अमेरिकी करबाट जुलाईपछि २ सय ५० अर्ब डलर बराबरसम्मको निर्यात प्रभावित हुने चिनिया अनुमान छ । चीनले अमेरिकासँगको थप व्यापार वार्तालाई रद्द गरेपछि तनाव बढ्दो छ । आगामी दिनमा कुनै सहमति नभए सन् २०१९ को शुरूबाट करमा २५ प्रतिशतले वृद्धि हुनेछ । अमेरिकी कदमको जवाफमा चीनले पनि ६० अर्ब डलर बराबरका अमेरिकी सामानमा करको घोषणा गरिसकेको छ । अमेरिकामा निर्मित साना विमान, कम्प्युटर तथा कपडामा अतिरिक्त ५ प्रतिशत कर लगाउने चिनिया तयारी छ ।

अमेरिकामा उत्पादित रसायन, मासु, गहुँ तथा रक्सीमा पनि बेइजिङले १० प्रतिशत अतिरिक्त कर लगाउने घोषणा गरेको छ । यता, अन्तर्राष्ट्रिय मुद्रा कोषले भने पछिल्ला व्यापारिक तनावले आर्थिक वृद्धिमा कमी ल्याउने प्रक्षेपण गरेको छ ।करको असरले अमेरिकी डलरमा उच्च बृद्धी हुँदा यसको असर नेपाली बजारमा समेत परेको देखिन्छ । अमेरिका चीन व्यापार युद्दको असर विश्वव्यापी बन्ने अनुमान गरिएको छ ।

थप समाचार

बैशाख ३० मा मानवीय उद्धार, सहायता उडान र सरकारको निर्देशनमा…

बजेट चर्चा : कृषि उत्पादन, रोजगारी सिर्जना, आयात विस्थापनमा अर्थविद्को…

क्यानडा, अमेरिका, युरोप पुर्याउने नाममा ठगी, सक्रिय बन्दै वैदेशिक रोजगार…

आर्थिक वर्षको पहिलो नौ महिनामै लक्ष्यको ९८.२७ प्रतिशत राजस्व संकलन

चुनावभन्दा रोजगारीको चिन्ता, चैतमा वैदेशिक रोजगारीका लागि बाहिरिए साँढे ५५…

संचारकर्मी सरोज कोइरालाको स्वर र संगित रहेको ‘पीडा’ बोलको गीत…