बजेट अधिवेशनको मिति तय भएसँगै काठमाडौं उपत्यकामा लकडाउन खुकुलो हुने चर्चा
काठमाडौं । संघीय संसदको बजेट अधिवेशन वैशाख २६ गतेबाट सुरु हुने भएसँगै लकडाउनले निरन्तरता पाउँछ वा काठमाडौं उपत्यकाको हकमा खुकुलो होला भन्ने चर्चा सुरु भएको छ । आइतबारको मन्त्रिपरिषद बैठकले वैशाख २६ गते दिउँसो ४ बजे बजेट अधिवेशन आह्वान गर्ने गरी राष्ट्रपति विद्यादेवी भण्डारीसमक्ष सिफारिस गर्ने निर्णय गरेसँगै लकडाउन कसरी अघि बढ्ला भन्ने चर्चा सुरु भएको हो ।
पछिल्लो पटक थपिएको लकडाउनको मिति सकिएपछि अर्थात भोलिपल्ट बजेट अधिबेशन बोलाइएका कारण कतिपयले उपत्यकाको हकमा अब लकडाउन खुकुलो हुने पुर्व संकेतका रुपमा अर्थ्याउन थालेका छन् । केहीले भने कोरोनाको त्रासदी कायमै रहेका कारण लकडाउनकै अवस्थामा नीति तथा कार्यक्रमको छलफल र बजेट आउने आँकलन गरेका छन् । हुनत, काठमाडौं उपत्यकामा अलपत्र परेकाहरुलाई लकडाउनको नीति बिपरित उपत्यका छाड्न सहजिकरण गरिएका कारण पनि बजेट अधिबेशनको समयमा उपत्यकामा लकडाउन खुकुलो बनाउने सरकारको पूर्व योजना भन्नेहरुपनि धेरै छन् । तर लकडाउनले निरन्तरता पाउने वा नपाउने भन्ने बिषय भने सरकारकै निर्णयमा भर पर्नेछ ।
मन्त्रिपरिषदको सिफारिसमा राष्ट्रपतिले संघीय संसदको अधिवेशन आह्वान गर्ने संवैधानिक व्यवस्था अनुसार सुरु हुने अधिवेशनमा सरकारले आगामी आर्थिक वर्षका लागि ल्याउने नीति तथा कार्यक्रम र बजेटमाथि छलफल हुने छ । संवैधानिक व्यवस्थाअनुसार जेठ १५ भित्र बजेट सार्वजनिक गरिसक्नु पर्ने भएकाले पनि सरकार लकडाउन जारी रहँदै बजेट अधिबेशन बोलाउनुपर्ने बाध्यतामा परेको छ ।
क्याटेगोरी : अर्थ / रोजगार, जनचासो / सामाजिक सञ्जाल
ट्याग : #breaking
थप समाचार
भरखरै प्रकाशित
- १लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन
- २सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- ३७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ४एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ५काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
तपाईको कमेन्ट लेख्नुहोस्