Techie IT
Mission Khabar

अनसनरत भूपु गोर्खा सैनिक हटाउन बेलायती प्रहरीको बल प्रयोग


काठमाडौं । समान पेन्सनको माग गर्दै आमरण अनसनमा बसेका बेलायती सेनामा कार्यरत भूपु गोर्खा सैनिकको कार्यक्रममा बेलायती प्रहरीले हस्तक्षेप गरेको छ । शनिबारदेखि आमरण अनसन बस्न थालेका भूपु गोर्खाली सैनिकलाई उक्त थलोबाट हटाउन बेलायती प्रहरीले आज बल प्रयोग गरेको हो ।

अनसनको नेतृत्व गरेका ज्ञानुराज राईलाई प्रहरीले धकेलाधकेल गर्दै हट्न चेतावनी दिएको बताइएको छ । रिले अनसनको दुई साता पुगेपनि मागको सुनुवाइ नभएको भन्दै भूपु सैनिकले बेलायती प्रधानमन्त्री बोरिस जोन्सनको कार्यालयअघि शनिबारदेखि आमरण अनसन थालेका थिए । प्रतिनिधि सभाको आजको बैठकमा सांसदहरुले गोर्खाली सैनिकको माग सम्बोधनका लागि कूटनीतिक पहल थाल्न सरकारलाई ध्यानाकर्षण समेत गराएका छन् ।

एनआरएनको टोलीलाई प्रधानमन्त्री शेरबहादुर देउवासँगको भेटका क्रममा समेत भुपू गोर्खाको मागका बारेमा आवाज उठेपछि प्रधानमन्त्री देउवाले मागसम्बोधनका लागि सरकारको तहबाट पहल गर्ने बचन दिएका छन् ।


क्याटेगोरी : ओझेलका पात्र, जनचासो / सामाजिक सञ्जाल, जीवन भोगाई, विश्व / विविध

तपाईको कमेन्ट लेख्नुहोस्