Techie IT
Mission Khabar

‘बीबीसी मास्टर सेफ प्रोफेसनल्स’को फाइनल आज, नेपाली सेफ साहलाई अग्रिम बधाई !


काठमाडौं । ‘बीबीसी मास्टर सेफ प्रोफेसनल्स’को फाइनलमा पुगेका सन्तोष साहले आज फाइनलका लागि प्रतिस्पर्धा गर्दैछन् । उनलाई देश तथा विदेशमा रहेका नेपालीहरुले अग्रिम बधाई तथा शुभकामना दिएका छन् । स्थानीय समयअनुसार बेलुकी ९ बजे (नेपाली समयअनुसार राति पौने ३ बजे) बीबीसी वनमा फाइनल कार्यक्रम प्रसारण हुनेछ ।

साहले यो शोमा विशेष किसिमका नेपाली परिकारहरु बनाएर जजहरुको मन जित्दै आएका छन् । फाइनलमा पनि नेपाली परिकारहरु नै बनाएर निर्णायलकको मन जितेर उदाधी हात पार्ने उनको दाबी छ । फाइनलमा नेपाली सन्तोष साहसँगै एसेक्सका एलेक्स र मिडलसेक्सका विल बार्टले प्रतिस्पर्धा गर्दैछन् । उनीहरुलाई स्टार्टर, मेन डिस र डेसर्ट खाना तयार गर्नको लागि ३ घण्टा १५ मिनेटको समय दिइनेछ । उनीहरुले बनाएको खानाका परिकार जजहरुले चाखेपछि अन्तिम विजेताको घोषणा हुनेछ ।

यसैबीच साहको सफलताको कामना गर्दै गैरआवासीय नेपाली संघ (एनआरएनए) ले अग्रिम बधाई तथा शुभकामना दिएको छ । संघले आफ्नो आधिकारीक टुवीटर ह्याण्डल मार्फत विहिवार नैरियालिटी शोमार्फत नेपाललाई अन्तर्राष्ट्रियस्तरमा चिनाइरहेका ‘बीबीसी मास्टर सेफ प्रोफेसनल्स’ प्रतियोगिताको टप थ्री फाइनलिस्ट साहलाई सफलताको लागि शुभकामना दिएको थियो।

यस्तै अष्ट्रेलियका लागि पूर्व नेपाली राजदूत लक्की शेर्पाले समेत फाइनलमा पुगेकोमा साहलाई बधाई दिँदै बिजेता बन्नको लागि शुभकामना दिएकी छिन् ।


क्याटेगोरी : ओझेलका पात्र, कृषी / उद्यम, जनचासो / सामाजिक सञ्जाल, जीवन भोगाई, समाचार, होटल / रेस्टुरेन्ट
ट्याग : #breaking

तपाईको कमेन्ट लेख्नुहोस्