सशस्त्र प्रहरी र काठको अबैध कनेक्सन : डिएसपी सहित तीन जवान निलम्बनमा

काठमाडौं– प्रहरीको गाडीमा राखेर काठको अवैध ओसारपसार गरेको संलग्नता पुष्टि भएपछि सशस्त्र प्रहरी बल अरुण गुल्म, चैनपुर संखुवासभाका डिएसपी रामप्रसाद भण्डारी सहित ३ जवान निलम्बनमा परेका छन् ।

छानविन समितिको प्रतिवेदनका आधारमा निलम्बन प्रक्रिया अघि बढाइनेमा भण्डारीसहित सशस्त्र प्रहरी जवानहरु विनोद कट्टेल, मिलन कुमार राई र दिपेन्द्र कुमार कर्माकार छन् । अरुण गुल्मको बा १ ग १६६९ नम्बरको ट्रकमा अवैध रुपमा काठ राखेर धरानतर्फ लैजादैँ गर्दा गत २१ जेठमा धनकुटाको मूलघाटमा उनीहरु सशस्त्रकै सुरक्षा टोलीको नियन्त्रणमा परेका थिए । घटनाको अनुसन्धानका लागि सशस्त्र पूर्व क्षेत्रीय बराह बाहिनी पकलीबाट सशस्त्र प्रहरी उपरीक्षक गुणाखर खनाल र पछि घटनाको गम्भिरता भन्दै फेरि डिआईजी सुरजकुमार श्रेष्ठको अध्यक्षतामा ३ सदस्यीय अर्को छानवीन समिति गठन गरिएको थियो ।

प्रारम्भिक छानबिनले कुनै निकायमा जानकारी नदिई संगठनको मर्यादा र नीति विपरितको काम गरेको देखिएपछि दोषी करार सहितको प्रतिवेदन सशस्त्र मुख्यालयमा पठाइएको थियो । प्रमाण लोप बनाउने प्रयास नहोस भनेर उनीहरुलाई सशस्त्र प्रहरी नियमावली २०७२ को नियम ११६ को उपनियम १ को खण्ड ख र घ अनुसार तत्काल निलम्वन गरिएको सशस्त्र प्रहरी मुख्यालयले जानकारी दिएको छ ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल