देशभरको आधाभन्दा बढी खेती योग्य जमिन सिँचाइ सुविधा बाहिर, पाँच बर्षमा कृषि क्षेत्रको उत्पादकत्व दोब्बर असम्भव

काठमाडौं– पाँच वर्षमा कृषि क्षेत्रको उत्पादकत्व दोब्बर बनाउने सरकारी लक्ष्य चुनौतिपूर्ण देखिएको छ । सिँचाइ सुविधाको असुविधाले कृषि क्षेत्रको उत्पादकत्व दोब्बर बनाउने सरकारी लक्ष्य पुरा नहुने देखिएको हो ।

बजेट मार्फत सरकारले आगामी आर्थिक बर्षलाई समृद्धिको आधार बर्ष बनाउने घोषणा गरेको छ । समृद्धिको लक्ष्य पुरा गर्न कृषि, उर्जा, पर्यटन लगायतका क्षेत्रको अधिकतम उपयोग गर्ने भनिएको छ । नेपाल राष्ट्र बैंकले ५७ जिल्लामा गरेको आर्थिक गतिविधिको अध्ययनले सिँचाइको सुविधा अधिकांश खेती योग्य जमिनमा समेत नपुगेको देखाएको छ । सिंचाई सुविधा तथा प्राथामिक पूर्वाधार विनै उत्पादकत्व बढाउने कुरा त्यति प्रभावकारी नहुन सक्छ । ३२ लाख १४ हजार हेक्टर खेतीयोग्य जमिन मध्ये अहिलेसम्म देशभर ४५.२ प्रतिशतमा मात्र सिँचाइ सुविधा छ ।

अझ, राष्ट बैंकको अध्ययनले खेतीयोग्य जमिन ३२ लाख हेक्टर भएपनि ७९.३ प्रतिशत जमिन अर्थात २५ लाख ४८ हजार ७६३ हेक्टर जमिनमा मात्र खेती गरिएको देखिन्छ । एकातिर खेतियोग्य जमिनको सदुपयोग नै नहुनु अर्कोतिर अधिकांश जमिन सिँचाइ सुविधाबाट टाढा । यसले पर्याप्त अध्ययन र गृहकार्य बिनै सरकार अघि बढेको देखिन्छ ।

प्रादेशिक रुपमा कर्णाली प्रदेशमा सबैभन्दा कम सिंचाई सुविधा छ । कर्णालीमा २२.९ प्रतिशत क्षेत्रफलमा मात्र सिँचाइ सुविधा पग्दा प्रदेश २ को ६६.३ प्रतिशत क्षेत्रफलमा सिँचाइ सुविधा छ । जहाँ सबैभन्दा बढी ८९.९ प्रतिशत जमिनको सदुपयोग गरेर खेति गरिएको छ ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल