अबको यात्रा महंगी, जोखिम र सास्तीकै निरन्तरता की ? भाडा अनुसारकै सुविधा

काठमाडौं– सरकारले सार्वजनिक सवारी साधनको नयाँ भाडा दर कार्यान्वयनमा ल्याएसँगै यात्रामा निस्किने उपभोक्तामा महंगीको मार थपिएको छ ।

यातायात व्यवस्था विभागले शहरी क्षेत्र र लामो दूरीमा चल्ने सवारी साधनको नयाँ भाडादर सार्वजनिक गरेसँगै काठमाडौँ उपत्यकामा न्यूनतम भाडादर नै १४ रुपैयाँ तिर्नुपर्ने भएको छ । जहाँ अधिकतम २७ रुपैयाँसम्म भाडा तिर्नुपर्नेछ । डिजलको मूल्य प्रतिलिटर एक सय एक र पेट्रोलको मूल्य १ सय १४ रुपैयाँलाई आधार मानेर भाडा समायोजन गरेको विभागले पेट्रोलियम पदार्थमा पाँच रुपैया भन्दा बढीले घटबढ भएपनि नयाँ भाडा लागू गर्ने बताएको छ । चक्रपथ बाहिर चार किलोमिटरभन्दा बढी दूरी भएमा प्रतिकिमी दुई रुपैयाँ पाँच पैसाका दरले हिसाब गरेर भाडा लाग्ने भएको छ ।

तराईको लामो दूरी अर्थात् २ सय ५० किलोमिटरभन्दा बढी पक्की र ग्राभेल बाटोमा सञ्चालन हुने यात्रु बस, मिनीबसका लागि प्रतिकिलोमिटर एक रुपैयाँ ९० पैसा भाडादर कायम गरिएको छ । तराई र उपत्यकामा २५ किलोमिटरदेखि २ सय ५० किलोमिटरसम्म दूरीका पक्की र ग्राभेल बाटोमा सञ्चालन हुने यात्रुवाहक बस, मिनिबसका लागि प्रतिकिलोमिटर एक रुपैयाँ ९५ पैसा भाडा कायम भएको छ ।

देशभरका पाँच सय एक गन्तव्यको नयाँ भाडा दर कायम हुँदैगर्दा थुप्रैले महंगीको मार खेप्नुपर्ने भएको छ । पेट्रोलियम पदार्थको मुल्यबृद्धि र यातायातका साधनमा भएको भाडाबृद्धिको विरोध पनि चर्किएको छ । विद्यार्थी संगठन तथा सर्वसाधारणले अहिले भाडा र पेट्रोलियम पदार्थको मुल्यबृद्धि फिर्ताको माग गर्दै आन्दोलित छन् । सरकारले बढाएको दश प्रतिशत भाडा फिर्ता नगेर थप आन्दोलन गर्ने चेतावनी उनीहरुले दिएका छन् ।

यता, व्यवसायीले मंगलबारबाट अग्रिम टिकट बुकिङ खोल्ने निर्णय गरेका छन्, त्यो पनि भाडा बृद्धी र रोक्का खाता खोल्न सरकारलाई बाध्य बनाएर ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल