काठमाडौं– कैलालीको टीकापुर हत्या काण्डमा मुछिएका राजपा नेपालका सांसद रेशम चौधरीले आज प्रतिनिधिसभा सदस्यको शपथ ग्रहण लिने भएका छन् । संघीय संसद सचिवालयका अनुसार चौधरीले बिहीवार बिहान ११ः३० बजे सांसदको शपथ ग्रहण गर्नेछन् ।
सिंहदरवारस्थित संघीय संसद सचिवालयमा शपथ ग्रहण गराउने तयारी गरिएको छ । राजपा नेपालले चौधरीलाई सांसदको सपथ ग्रहण नगराए सरकारलाई दिएको समर्थन फिर्ता लिने भन्दै पटक– पटक चेतावनी दिँदै आएपछि सरकारले सपथको वातावरण मिलाएको हो । टीकापुर प्रकरणमा प्रतिवादी बनाइएका बेला भारतबाटै वारेशनामाबाट उम्मेदवारी दिएका चौधरीले भारी मतसहित कैलाली क्षेत्र नम्बर १ बाट प्रत्यक्ष निर्वाचन जितेका थिए । विजयी भएपछि आफूविरुद्धको मुद्दाको प्रतिवाद गर्न कैलाली जिल्ला अदालतमा उपस्थित भएकै अवस्थामा उनी मुद्धाको पुर्पक्षका लागि कैलाली जिल्ला अदालतको आदेशमा थुनामा परेका थिए ।
बिरामी हुने बेलामा समेत उपचार नपाएको, निर्दोश भएर पनि फसाइएको लगायतको चर्चा चलिरहदा चौधरीले सांसदको सपथ लिएर जनप्रतिनिधिको भुमिका पाउने भएका छन् । तर बिचाराधिन मुद्धालाई किनारा लगाउनेतर्फ गम्भिरता नदेखाई गरिएको हतारोले भने गलत नजिर स्थापित गर्नसक्छ । रेशम चौधरी निर्दोष होलान वा नहोलान यो राज्यको छानविनको बिषय हो । तर कानुन सबैका लागि बराबर भने अवश्य छ ।
क्याटेगोरी : समाचार
ट्याग : #hot
थप समाचार
भरखरै प्रकाशित
- १सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- २७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ३एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ४काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
- ५मानव बेचविखन गिरोहका नाइके प्रहरी खोरमा यस्तो छ अपराध श्रृङ्खला !
तपाईको कमेन्ट लेख्नुहोस्