एउटै खुट्टाले ६ सय किमि साइकल यात्रा

मिसन खबर २० जेष्ठ २०७५, आईतवार ०३:०४

मुगु, जेठ । शारीरिक अपांगता भएका व्यक्तिले हिम्मत गरे र अवशर पाएभने सपाङ्गता भएकाहरुले जस्तै काम गर्न सक्छन् । उनीहरुको सारिरिक दुर्बलतामा केवल आँट, हिम्मत र अवशर चाहिन्छ ।

कैलालिका ४० वर्षीय यमलाल रसाइली एउटा खुट्टाले साइकल हाँकेर कैलालीको लम्कीदेखि मुगुको रारासम्मको यात्रा पूरा गरेर यो कुरालाई सावित गरिदिएका छन् । उनले राराको पर्यटन प्रबद्र्धन र विद्यालय जानबाट वञ्चित अपांगता भएका बालबालिकालाई स्कुल जाने वातावरण बनाउने उद्देश्य सहित साइकल यात्रा सुरु गरेका थिए ।

मधेसबाट पहाडसम्मको ६ सय किलोमिटर लामो साइकल यात्रा उनका लागि चुनौती पनि थियो तर कैलालीको चुहा नगरपालिका १ लम्की निवासी रसाइलीले जेठ ४ गतेबाट यात्रा शुरु गरे र १४ दिनमा आफ्नो अठोट पुरा गरे । जेठ १७ गते उनी रारा ताल पुगेका थिए । यसलाई साहसिक साइकल यात्राका रुपमा समेत हेरिएको छ ।

क्याटेगोरी : ओझेलका पात्र, समाचार