विदेश भ्रमण कार्यविधि : स्थानीय तह र कर्मचारीका लागि मात्रै लगाम की सबैका लागि बाध्यता ?

काठमाडौं– हाम्रा मन्त्री र कर्मचारी मौका मिल्यो की आफ्नो सबै काम र जिम्मेवारी चटक्कै छाडेर विदेश यात्रामा निश्किन्छन । यो दौड निक्कै लामो समयदेखी जारी छ । विदेश र स्वदेशको घुमघाम घटाउने हो भने मन्त्री र कर्मचारीको काम गर्ने समय आधा जति पनि हुन आउँदैन ।

अधिकांश समय विदेश भ्रमणमा व्यतित गरेर स्थानीय तह र प्रशासनिक क्षेत्रको उपलब्धिमुलक काम प्रभावित भएको भन्दै गुनासो नभएको पनि होइन् । निरन्तरको गुनासो सुन्ने भन्दा बेवास्था गर्नेको जमात बढि देखियो । थुप्रैले भन्ने गरेका थिए, मनपरि गर्ने प्रबृत्ति रोक्न स्थायी (दिगो) सरकार चाहिन्छ । नभन्दै बहुमत आफैले ल्याएर दुई तिहाई बढीको समर्थन जुटाएको केपी ओली नेतृत्वको बामपन्थी सरकारले स्थानीय तहका जनप्रतिनिधि र कर्मचारीले वर्षमा बढीमा ३ पटक मात्र विदेश भ्रमण गर्न पाउने गरी लगाम लगाउन लागेको छ । बैदेशिक भ्रमण कार्यविधिमा यस्तै प्रस्ताव गरेको सरकार संघीय मामिला तथा सामान्य प्रशासन मन्त्रालय मार्फत भ्रमणलाई व्यवस्थित र मर्यादित बनाउने काम सुरु भएको बताउँछ ।

संघीय सरकारलाई थाहै नदिई आफूखुसी विदेश जाने होड बढेपछि सरकारले मापदण्ड तय गर्न लागेको हो । स्थानीय तहका पदाधिकारी तथा कर्मचारीको विदेश भ्रमण मोहलाई रोक्नका लागि ल्याउन लागिएको कार्यविधिले भने सबैलाई लगाम लाग्नेछ । यता, संघीय मामिला मन्त्रालयले आफ्नो सिफारिसबिना स्थानीय तहका पदाधिकारी र कर्मचारीको भिसा सिफारिस नगर्न कन्सुलर सेवा विभाग तथा राहदानी विभागलाई ध्यानाकर्षण गराइसकेको छ ।

विदेश भ्रमण कार्यविधि कहिलेबाट व्यवहारिक कार्यान्वयनमा आउँछ यो भने यकिन छैन । कार्यविधि लागू भएपछि जथाभावी भ्रमण रोकेर आफ्नो पेशागत जिम्मेवारी बोधमा लाग्न सहयोग मिल्ने सरकारको विश्वास छ । बैदेशिक भ्रमणमाथीको लगाम सिमित शक्ति हिनका लागि मात्रै होइन, सबैका लागि समान रुपमा लागू हुनुपर्छ । यतातर्फ सरकारको ध्यान पुग्छपुग्दैन, समयले देखाउँला ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल