हिंसाबाट बच्न प्रतिरक्षा तालिम, किशोरीहरु भन्छन्–हिम्मत बढेको छ

मिसन खबर १० कार्तिक २०७५, शनिबार ०७:०६

बैतडी, दाङ, इटहरी– पूर्वी र पश्चिम नेपालका विभिन्न जिल्लामा अहिले किशोरीहरुलाई हिंसा बिरुद्ध प्रतिकार गर्ने कला शिकाइदैछ । हजारौँलाई प्रतिकार कला सिकाएको अभियानले शुक्रबार बैतडीका करिब तीन सय किशोरीलाई बलात्कारीबाट बच्न कसरी प्रतिकार गर्ने र जोगिने भन्ने तालिम दिएको छ ।

बैतडीको पाटन क्षेत्रका किशोरीलाई राष्ट्रिय खेलकुद परिषले हिंसाबाट कसरी बच्ने भन्ने र प्रतिकार गरेर जोगिने कला शिकाईएको हो । बलात्कारी तथा हिंसा गर्ने बिरुद्ध प्रतिकार गर्ने कला सिकेपछि किशोरीहरु उत्साहित भएका छन् भने प्रशिक्षकहरु सबै किशोरीमाझ प्रतिकार कला पुर्याउनुपर्ने भनिरहेका छन् । मदिरा सेवन गरेका ब्यक्ति, आफन्त तथा छरछिमेकीहरुबाट नै प्राय : बलात्कारका घटना भएको खुलेपछि प्रतिकार कला सिकाउन सुरु गरिएको बताइन्छ ।

आधारभुत तालिमपछि सजिलै बलात्कारीको प्रतिकार गर्न सकिने प्रशिक्षकहरुको दाबी छ । यता, प्रतिकार कला शिकेका किशोरीहरु प्नि हिम्मत र आत्मबल बढेको बताउछन् । पछिल्लो एक बर्षमा बैतडीमा मात्रै बलात्कार र महिला हिंसाका ७० वटा घटना भएका थिए । जसमा किशोरीहरु नै बढी पीडित पाइएका छन् ।