चिकित्सा क्षेत्रको एउटा चमत्कार, मृत महिलाबाट प्रत्यारोपण गरिएको गर्भासयबाट जीवित बच्चालाई जन्म

मिसन खबर २० मंसिर २०७५, बिहीबार ०३:२६

एजेन्सी–चिकित्सा क्षेत्रमा मृत्यु भइसकेका व्यक्तिको अंगलाई जीवित मानिसमा प्रत्यारोपण गरेर क्रियाशिल बनाउनुलाई निकै महत्वपूर्ण मान्ने गरिन्छ । यसरी मृत व्यत्तिका केही अंग जीवितमा राख्ने प्रयास सफल भएकै कारण थुप्रै विरामीले राहत पनि पाएका छन् ।

फेरी चिकित्सा क्षेत्रलाई नै चमत्कार बनाउनेगरी विश्वमै पहिलो पटक मृत महिलाको गर्भाशय जीवित महिलामा प्रत्यारोपण गरेर सफलता मिलेको छ । ब्राजिलको साओपाओलो शहरमा २०१६ मा मृत महिलाको शरीरबाट गर्भाशय निकालेर अर्को महिलामा गरिएको प्रत्यारोपणले सफलता पाएको हो । १० घन्टामा सफल भएको प्रत्यारोपणले केही समयअघि सफलता पायो । कारण थियो, ती महिलाले प्रत्यारोपन गरिएको आमासयबाटै जीवित बच्चा जन्माउनु ।जीवित बच्चा जन्माउन सफल गर्भाशय तीन बच्चाकी आमाबाट लिइएको थियो । जसले दिमागबाट रगत बगेका कारण ज्यान गुमाएकी थिइन् । हरेक साढे चार हजारमध्ये एक महिलामा पाइने यो स्वास्थ्य समस्यापछि योनी र गर्भाशय सही रुपमा विकसित हुँदैन ।

हुनत यो प्रयासलाई सफल बनाउन डाक्टरहरुले आमा बन्ने महिलाको शरीरबाट अण्डाशय आउनुअघि पिता बन्ने व्यक्तिको स्पर्मलाई फर्टिलाइज गरेका थिए । रोग प्रतिरोधक क्षमता राम्रो नहुँदा गर्भाशय शरीरमा ठीकसँग व्यवस्थित हुन नसक्ने भएकाले उनलाई रोग प्रतिरोधात्मक क्षमता उच्च बनाउने औषधी दिइएको थियो । सात महिनापछि रजश्वला भएको समयमा फर्टिलाइज्ड अण्डाशयलाई महिलाको गर्भाशयमा राखिएकोमा १५ डिसेम्बर २०१७ मा मृत महिलाको गर्भाशय पाउनेले अपरेशनमार्फत २.५ किलोग्रामको स्वस्थ बच्चालाई जन्म दिइन् । र चिकित्सा क्षेत्रमा एउटा चमत्कारिक कदमले सफलता पाएको छ ।

साओपाओलोको हस्पिटल दास क्लिनिकका डा. दानी एजेनबर्ग जीवित दानकर्ताको गर्भाशयको अभाव र झञ्जट टार्न यो कदम चालिएको र सफलता मिलेको बताउछन् । यसअघि पनि मृत महिलाको गर्भाशय प्रत्यारोपण प्रयास नभएको भने होइन्, तर अपरेशन सफल भएपनि ती महिलाको गर्भपात हुँदै आएको थियो ।

क्याटेगोरी : देश / प्रदेश, विश्व / विविध, शिक्षा / स्वास्थ्य, सकारात्मक सोच, समाचार
ट्याग : #hot