जर्मनी समूह चरणबाटै बाहिरिदा मेक्सिकोलाई फाईदा, स्वीडेन बन्यो समूह ‘एफ’को बिजेता

एजेन्सी\काठमाडौं– साविकको विश्वकप फुटबल बिजेता जर्मनी अन्तिम खेलमा दक्षिण कोरियासँग हारेसँगै समूह चरणबाटै बाहिरिएको छ । समूह चरणको अन्तिम खेलमा कोरियाले जर्मनीलाई २–० गोल अन्तरले हराएको छ ।

दुबै गोल इन्जुरी टाइममा भएकोमा पहिलो गोल किम युङ गोनले गरेका थिए । अन्तिम मिनेटमा सन हियुङ मिनले खाली पोष्टमा गोल गर्दै दक्षिण कोरियाका लागि ऐतिहासिक जीत दिलाएका थिए । पहिलो खेल मेक्सिकोसँग हारेको जर्मनी स्वीडेनलाई दोश्रो खेलमा २–१ ले पराजित गर्दै तीन अंक जोड्न सफल भएको थियो । समूह चरणको अन्तिम खेल जित्नैपर्ने बदाबमा रहेको जर्मनीलाई कोरियाले पराजित गरेर आफूसँगै समूह चरणबाटै घर फर्काएको छ ।

अर्को खेलमा स्वीडेनले मेक्सिकोमाथी ३–० को जित हात पारेको छ । स्वीडेन समूह विजेता हुँदै नकआउट चरणमा पुग्दा अन्तिम खेल हारेको मेक्सिको भने उपविजेता बन्दै नकआउट चरणमा पुगेको छ । स्वीडेनका लुडविग अगुस्टिन्सनले ५० औं मिनेटमा पहिलो गोल गरे । ६२ औं मिनेटमा एन्ड्रेस ग्रानभिस्टले र ७४ औं मिनेटमा मेक्सिकोका एडसन अल्भारेजले आत्मघाती गोल गरेपछि स्वीडेनले ३–० को फराकिलो जित हात पारेको थियो ।

समूह चरणमा दुई–दुई खेल जितेका र मेक्सिको र स्वीडेन बराबर ६ अंक सहित अन्तिम १६ मा उक्लिएका छन् । गोल अन्तरको आधारमा स्वीडेन समूह विजेता बनेको छ ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल