अर्जेन्टिनालाई ४–३ गोल अन्तरले पराजित गर्दै फ्रान्स क्वाटर फाईनलमा

काठमाडौं \ एजेन्सी – विश्वकप फुटबल २०१८ को नकआउट चरण अन्तर्गतको पहिलो खेलमा अर्जेन्टिनालाई ४–३ गोल अन्तरले पराजित गर्दै फ्रान्स क्वाटर फाइनलमा प्रवेश गरेको छ ।

खेल निक्कै प्रतिस्पर्धी बनेपनि दोश्रो हाफको पहिलो १ण् मिनेटपछि अर्जेन्टिना केही कमजोर देखिदा हार रोक्न सकेन । खेलको १२ औँ मिनेटमा फ्रान्सका लागि एन्टोनी ग्रिजम्यानले पेनाल्टी गोलमार्फत सुरुवाती अग्रता दिलाए । अर्जेन्टिनाका रोजोले एम्बाप्पेलाई डि बक्स एसियामा लडाएपछि फ्रान्सले पेनाल्टी पाएको थियो । फ्रान्सले पहिलो हाफसम्म पनि आफ्नो अग्रता बचाउन सकेन ।

अर्जेन्टिनाले पहिलो हाफको अन्त्यतिर बराबरी गोल फर्कायो । पहिलो हाफको अन्त्यतिर एन्जल डि मारियाले उत्कृष्ट गोल गर्दै खेल बराबरीमा ल्याए । दोश्रो हाफको सुरुवाती समयमै अर्जेन्टिनाका लागि मेकार्डोले गोल गरेर टिमलाई अग्रता दिलाए । कप्तान लियोनेल मेसीले दिएको पासमा मेकार्डोले बललाई जाली चुमाएपनि यो अग्रता १० मिनेट पनि टिक्न सकेन । ५७ औं मिनेटमा फ्रान्सका लागि ग्रिजम्यानले गोल थप्दै खेल २–२ को बराबरीमा ल्याए । खेलको ६४ मिनेटमा गोल गर्दै फ्रान्सलाई अग्रता दिलाएका एम्बाप्पे ६८ मिनेटमा पुनः गोल गर्दै टिमको अग्रता दोब्बर बनाएका थिए । ।

ईन्जुरी समयको अन्त्यतिर अर्जेन्टिनाले एक गोल फर्काएपनि हार रोक्न सकेन । फ्रान्सका युवा खेलाडिको तिब्र गतिको खेलको अघि अर्जेन्टिनाको अनुभव फिक्का भयो र खेल फ्रन्सको पोल्टामा जाँदा अर्जेन्टिना भने नकआउट चरणबाट बाहिरिएको छ ।

थप समाचार

लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा