मेक्सिकोलाई पराजित गर्दै ब्राजिल क्वाटरफाइनलमा, अन्तिम ८ मा सुरक्षित गर्न नेइमार र फर्मिनोले गरे गोल

काठमाडौं एजेन्सी– मेक्सिकोलाई २–० गोल अन्तरले पराजित गर्दै ब्राजिल क्वाटरफाईनलमा पुगेको छ । पाँच पटकको विश्वविजेता ब्राजिलले अन्तिम १६ को खेलमा सोमबार मेक्सिकोलाई पराजित गर्दै क्वाटरफाईनलको यात्रा तय गरेको हो । ब्राजिलका लागि अन्तिम ८ मा सुरक्षित गर्न नेइमारले ५१ मिनेटमा र ८८ मिनेटमा रोबर्टो फिर्मिनोले गोल गरे ।

विलियमले मिहिनेत गरेर उपलब्ध गराएको लो क्रस पासलाई नेइमारले गोल लाइन नजिकबाट जाली चुमाएका थिए । जारी विश्वकपमा नेइमारको यो दोस्रो गोल हो। दोश्रो गोलका लागि नेइमारले उपलब्ध गराएको पासलाई सब्सिच्युट खेलाडी फिर्मिनोले डिबक्स भित्रबाट जाली चुमाएका थिए ।

पहिलो हाफ गोलरहित रहँदा दुबै टिमले ५०–५० प्रतिशत बल नियन्त्रणमा लिएर खेललाई रोमान्चक बनाएका थिए । पहिलो हाफमा ब्राजिलले ११ प्रहार र मेक्सिकोले ४ प्रहार गरेको थियो । यता, ब्राजिलका सेन्ट्रल मिडफिल्डर कासेमिरोले लगातार दोस्रो खेलमा पहेँलो कार्ड पाएका कारण आगामी क्वार्टरफाइनल खेल खेल्न पाउने छैनन ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल