पेताङ्ग खेलमा सहभागी हुने नेपाली टोली थाइल्याण्डमा, पहिलो अन्तर्राष्ट्रिय सहभागिताले खेल विस्तारमा बल मिल्ने अपेक्षा

काठमाडौं– थाइल्याण्डको कराविमा हुने थाइल्याण्ड पेटाङ्ग अन्तर्राष्ट्रिय आमन्त्रण च्याम्पियनशिपमा भाग लिन ८ सदस्यीय टोली थाइल्याण्ड प्रस्थान गरेको छ । आगमी जुलाइ २६ देखि अगष्ट २ सम्म हुने प्रतियोगितामा भाग लिन पेटाङ्ग महासचिव कुलबहादुर थापा तथा सदस्य ईश्वर लामाको नेतृत्वमा आठ सदस्यीय नेपाली टोली सोमबार थाइल्याण्ड प्रस्थान गरेको हो ।

टोलीलाई राष्ट्रिय खेलकुद परिषदका सदस्य सचिव केशव बहादुर विष्ट, पेताङ्ग संघका अध्यक्ष डा. देवकान्त जोशीले विदाइ गरे । विदाइका क्रममा पेताङ्ग संघका उपाध्यक्ष महेश श्रेष्ठ, नेपाल बुद्धिचाल संघका निवर्तमान अध्यक्ष तथा अन्तर्राष्ट्रिय बुद्धिचाल महासंघ अनुशासन समितिका सदस्य श्री राजेशहरि जोशी, पेताङ्ग सचिव दीपक जोशी लगायतको सहभागिता थियो । प्रतियोगितामा नेपालबाट पुरुष तर्फ पुरुषोत्तम थापा, शुशिल भण्डारी र महेश शर्मा तथा महिला तर्फबाट रन्जना प्रधान, जमुना महर्जन र विष्णुमाया श्रेष्ठ प्रतिस्पर्धी छन् ।
थाइल्याण्डको कराविमा नै २६ जुलाई देखि ३१ जुलाईसम्म हुने पेताङ्ग ट्रेनर कोर्सको प्रशिक्षणमा भाग लिने पाँच सदस्यीय युवा टोली पनि सँगै प्रस्थान गरेको छ । यो कोर्षमा भागलिन राजेन्द्रप्रसाद जोशी, मिनप्रसाद गैरे, अभिषेक भारी, प्रमोद उप्रेती र सन्दीप अधिकारी थाइल्याण्ड प्रस्थान गरेका हुन् ।

नेपाली टोलीको सहभागिताले नेपालमा पनि पेताङ्ग खेलको विकासलाई अघि बढाउन सकिने र प्रशिक्षण प्रदान गर्न सहज हुने पेताङ्ग प्रशिक्षक सोभित भट्टले बताए ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा

भगवान बुद्धको शान्तिको सन्देश विश्वव्यापी चुनौतीहरूको सामना गर्न उपयोगीः मेघवाल