नेपाली फुटबलको नवयुग : लगातार उपाधी रक्षा गर्न सफल होला त, नेपाल ?

काठमाडौं\ढाका– लामो समय निराशाजनक खेल प्रदर्शन गरेर खेल प्रेमीलाई नै दुःखी बनाउदै आएको नेपाली फुटबलले पछिल्ला बर्षहरुमा राम्रो सुरुवात गरेको छ । यसैको उदाहरण हो, आयोजक बंगलादेशमाथि शान्दार जित हात पार्दै साफ च्याम्पियनसिपमा नेपाल समूह विजेता बन्दाको क्षण ।

साफ च्याम्पियनसिपको सेमिफाइनल यात्रा सुनिश्चित गरेको नेपाली टोलीले शनिबार भएको समूह चरणको अन्तिम खेलमा बंगलादेशलाई २–० गोल अन्तरले पराजित गर्यो । घरेलु समर्थकको साथ पाएको बंगलादेशलाई दबावमा राख्दै नेपालले खेलको ३३ औं मिनेटमा बिमल घर्ती मगरको गोलबाट सुरुवाति अग्रता लियो । विमलले करिब ३५ यार्ड टाढाबाट प्रहार गरेको बल बंगलादेशी गोलरक्षक मोहम्मद सहिदुल आलमको हातमा ठोक्किएर पोस्ट छिर्यो । कप्तान भरत खवासको उत्कृष्ट प्रहार बंगलादेशका गोलरक्षकले बचाउ गर्दा निराजन खड्काको प्रहार बारमाथिबाट बाहिरिएको थियो ।

६० मिनेटपछि नेपालले खेलमा नयाँ रणनीति सहित खेलाडी परिर्वतन गर्यो। ६२ औं मिनेटमा निराजन खड्काको स्थानमा अन्जन विष्ट र कप्तान भरत खवासको स्थानमा नवयुग श्रेष्ठ मैदान छिरे । घरेलु टोली बिरुद्द आक्रामक खेल प्रदर्शन गरेको नेपालका लागि निर्धारित ९० मिनेटको अन्तिम मिनेटमा स्ट्राइकर नवयुग श्रेष्ठले गोल थप्दै सानदार जित सुनिश्चित गरे । यो थियो बंगलादेशमा जारी साफमा नेपालले गरेको प्रदर्शन र सुधारिएको नेपाली फुटबलको चर्चा ।

२३ बर्ष लामो उपाधि बिहिन यात्रा तोड्दै २०७२ माघ को बंगबन्धु गोल्डकपमा नेपाल च्याम्पियन भयो । ढाकामा भएको फाइनलमा बहराइन यू–२३ माथि नेपालले ३–० को सानदार जित निकाल्दै उपाधिविहीन यात्रा टुंग्याएको थियो । यसको केही महिनापछि भएको १२ औँ साफ च्याम्पियन्समा पनि नेपाली फुलबलले अर्को सफलता हात पार्यो । आयोक भारतलाई हराउँदै स्वर्ण जितेको नेपाली फुटबलका लागि यो साफ च्याम्पियनसिपको तेश्रो स्वर्ण थियो । यसअघि नेपाललले सन् १९८४ (काठमाडौं) र १९९३ (ढाका) को दक्षिण एसियाली महासंघीय खेलकुद (साफ गेम्स) मा स्वर्णपदक जितेको थियो ।

यतिमात्रै होइन, नेपाली फुटबलको सुधार विश्व फुटबल महासंघ फिफाले सार्वजनिक गरेको नयाँ वरियताबाट पनि देखिएको छ । जहाँ नेपालले आफ्नो स्थानमा सुधार ल्याउदै ६ स्थान माथि उक्लिएर आफूलाई १ सय ७५ औँ स्थानमा राख्न सफल भएको थियो । भुटानलाई एक स्थानले पछि पारेको नेपाल दक्षिण एसियाको चौथो स्थानमा छ ।

थप समाचार

लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा