आईसिसी ट्वान्टी–ट्वान्टी विश्वकप छनोटमा नेपालको लगातार जीत, एसिया छनौटको सम्भावना बलियो

मलेसिया/काठमाडौं– मलेसियामा जारी आईसिसी ट्वान्टी–ट्वान्टी विश्वकप छनोट क्रिकेटमा नेपालले लगातार दोस्रो जीत निकालेको छ । विश्वकपअन्तर्गत एसिया क्षेत्रको छनोटमा समूह ‘बी’ मा रहेको नेपालले आज भएको खेलमा मलेसियालाई ८ विकेटले पराजित गर्दै दोस्रो जित निकालेको हो ।

मलेसियाले दिएको १ एक एक रनको लक्ष्य नेपालले १२ ओभर ४ बलमा मात्र २ विकेट गुमाउँदै पुरा गरेको थियो । नेपालको जितमा कप्तान पारस खड्काले ५२ र उपकप्तान ज्ञानेन्द्र मल्लले २७ रनको योगदान दिए । ओपनर विनोद भण्डारीले १२ रनको योगदान दिए । मलेसियाका लागि पवनदिप सिंह र सायज्रुल इद्रुसले एक एक विकेट लिए ।

यसअघि टस जितेर पहिले ब्याटिङ गरेको मलेसियाले १९ ओभर ३ बलमा अलआउट हुँदै एक सय रन बनाएको थियो । मलेसियाका लागि सफिक सरिफले ४९ र सायद अजिजले १३ रन जोडेपनि अन्य खेलाडीले दोहोरो अंक जोड्न सकेनन् । मलेसियालाई सस्तैमा समेट्न लेग स्पिनर सन्दीप लामिछानेले ५ विकेट लिए । यस्तै, सोमपाल कामीले तीन र कप्तान पारस खडकाले एक विकेट झारे । अब नेपालले तेस्रो खेल थाइल्याण्डविरुद्ध आइतबार खेल्नेछ ।

नेपालले ९ अक्टोबरमा भुटानसंग, १० अक्टोबरमा चीन र १२ अक्टोबरमा सिंगापुरसंग खेल्नेछ । छनोटबाट शीर्ष तीन टोलीले एसिया छनोटमा स्थान बनाउने छन् । एसिया छनोटबाट शीर्ष दुई टोलीले विश्वकपमा स्थान बनाउने छन् ।

थप समाचार

२३ देशमा राजदूत बन्न दौडधुप, पूर्वराजदूतदेखी नेतासम्मै आकांक्षी

वैशाखयता विपद्जन्य घटनामा परेर ३ सय ५३ जनाले गुमाए ज्यान,…

एमालेले शनिबार एकसाथ सम्पन्न गर्यो छ हजार वडा कमिटीको अधिवेशन

काठमाडौंबाट नजिकैको पर्यटकिय गन्तब्य ‘झोर’, शनिबार यस्तो देखियो (फोटो डायरी)

चौतर्फी घेराबन्दीमा प्रधानन्यायाधीश राणा, सरकारसँग साँठगाँठ कि राजनीतिक पूर्वाग्रहको शिकार…

तीन दिनदेखि अवरूद्ध विराटनगर विमानस्थल आजदेखि सञ्चालनमा