पाँच बर्षपछिको ए डिभिजन लिग, आठौँ पटकको जितमा पनि मनाङको दबदबा कायमै
काठमाडौं– पाँच वर्षपछि सुरु भएर मंगलबार सम्पन्न शहिद स्मारक ए डिभिजन लिग फुटबलमा मनाङ मर्स्याङदी क्लबले बर्चश्व कायम गरेको छ । १४ टोली सहभागी भएको प्रतियोगितामा मनाङ विजेता मात्रै बनेन उसले आठौँ पटकको कीर्तिमानी जित निकाल्दा प्रशिक्षक सहित थप दुई खेलाडी पुरस्कृत भए ।
प्रशिक्षक सुमन श्रेष्ठ सर्वोत्कृष्ट प्रशिक्षक घोषित भएको प्रतियोगितामा मनाङका विशाल श्रेष्ठले सर्वोत्कृष्ट गोलरक्षक र हेमन गुरुङले सर्वोत्कृष्ट मिडफिल्डरको अवार्डसँगै जनही मोटरसाईकल पाए । प्रतियोगिताको बिजेता बनेको मनाङले ५० लाख नगद प्राप्त गरेको छ । गोर रक्षक विशालले प्रतियोगितामा केवल ७ गोल ब्यहोरेका थिए । यस्तै, नेपाल आर्मीका कप्तान समेत रहेका भरत खवास सर्वोत्कृष्ट स्ट्राइकर चुनिए । उनले आफू समान सात गोल गर्ने मनाङका ओलावाले अफिजलाई पछि पारे ।
६ गोल समेत गरेका थ्रीस्टारका रजिन धिमाल सर्वोत्कृष्ट डिफेन्डर घोषित भए । समग्रमा हेर्दा ए डिभिजन लिगमा लामो समयदेखीको दबदबा बचाउन मनाङ मर्स्याङदी क्लब निरन्तर सफल भैरहेको छ ।
क्याटेगोरी : खेल / व्यायाम, समाचार
थप समाचार
भरखरै प्रकाशित
- १HICAST कलेज र पूर्वाञ्चल विश्वविद्यालयको चरम मनोमानी, विद्यार्थीमाथी यस्तो खेलवाड
- २डण्डीमा ठूला व्यवसायीको सिण्डिकेट, मन्त्रीलाई कमिसन बुझाएर राजस्व छुट !
- ३चाडपर्वमा महंगीको मार, कसरी गर्ने आम उपभोक्ताले किनमेल ?
- ४पुरा भयो संखुवासभा हत्या प्रकरणको अनुसन्धान, ५ जनाको संलग्नतामा सामूहिक हत्या !
- ५प्रतिपक्षको नाराबाजीका बीच बजेट पारित, हट्ला त बजेट होलीडे ?
तपाईको कमेन्ट लेख्नुहोस्