विराटनगरबाट सुरु भयो माउन्टेन फ्लाइट, तीनवटा साप्ताहिक उडानको अग्रिम बुकिङ

विराटनगर– आन्तरिक तथा वाह्य पर्यटन बढाउने उद्देश्यसहित विराटनगरबाट पर्वतीय उडान (माउन्टेन फ्लाइट) सुरु भएको छ । निजी क्षेत्रको पहलमा प्रदेश– १ को अस्थायी राजधानी विराटनगरबाट पहिलो पटक व्यावसायीक माउन्टेन फ्लाइट सुरु भएको हो ।

माउन्टेन फ्लाइटको पहिलो उडानबाट प्रदेश नं. एकका मुख्यमन्त्री शेरधन राईसहित मन्त्रीहरु, प्रदेश सरकारका प्रमुख सचिव, विभिन्न मन्त्रालयका सचिवहरु, पर्यटन व्यवसायीसहितको टोलीले सर्वोच्च शिखर सगरमाथा, ल्होत्से, कञ्चनजंघा र मकालु हिमशिखरको अवलोकन गरे । यति एयरलाइन्सको सीआरजे जेट स्ट्रिमको २३ सिटे विमानबाट सुरु गरिएको माउन्टेन फ्लाइट विशेषगरी भारत र बंगलादेश तथा आन्तरिक पर्यटकलाई लक्षित गरी सुरु गरिएको हो । साप्ताहिक उडान गर्ने योजना सहित पर्यटन व्यवसायीहरु आवद्ध ‘विराट होलिडेज’ नामक संस्थाले विराटनगर विमानस्थलबाट चार्टर्ड विमानमार्फत शनिबार माउन्टेन फ्लाइटको उडान गर्नेछ ।

विराट होलिडेजका अध्यक्ष भविषकुमार श्रेष्ठका अनुसार कुल ५५ मिनेटको उडान अवधि रहनेछ । माउन्टेन फ्लाइटका लागि यति एयरलाइन्सलाई प्रतिउडान १ लाख ८० हजार दिने गरि ‘विराट होलिडेज’ ले सहमति गरेको छ भने विराटनगरका स्थानीय ट्राभल एजेन्सीबाट काटिने टिकटको ९ हजार ९ सय रुपैँया लाग्ने बताइएको छ । जुन उडान काठमाडौं भन्दा सस्तो हो । काठमाडौंबाट माउन्टेन फ्लाइटको उडान भर्न प्रति यात्रु ११ हजार ६ सय ३५ रुपैयाँ तिर्नुपर्छ । विराटनगरको माउन्टेन उडानबाट प्रदेश १ भित्र पर्ने आठ हजार मिटरमाथिका हिमश्रृंखला अवलोकन गर्न पाइने भएपनि उडानको नियमिततामा भने चुनौती छ ।

आन्तरिक पर्यटक मात्रैले उडानलाई नियमित गर्न सम्भाव देखिदैन । यसर्थ वाह्य पर्यटक आकर्षित गर्न प्रदेश सरकारले आवश्यक नीतिका साथै यसको प्रचार प्रसारमा सहयोग गरेमात्रै उडानले नियमितता पाउनसक्छ । माउन्टेन फ्लाइटका तीनवटा उडानका लागि अग्रिम बुकिङ भइसके र यात्रुको चाप बढे शुक्रबार पनि उडान भर्ने लक्ष्य विराट होलिडेजको छ । प्रदेश १ मा १४ वटा विमानस्थल छन् । विराटनगरबाट लुक्काका लागि उडान भर्न सकेमात्रै दैनिक पाँचवटा माउन्टेन फ्लाइट चल्ने व्यवसायीहरु बताउछन् । काठमाडौं–लुक्लाका लागि अहिले दैनिक ५० उडान भएपनि अपुग रहँदै आएको छ ।

२०७३ सालमा विराट एक्पोको समयमा एउटा माउण्टेन फ्लाइटले विराटनगरबाट उडान भरेपनि नियमित उडान सुरु भएको यो नै पहिलो हो ।

थप समाचार

लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि…

एनआरएनएको ११औं महाधिवेशन एक महिनापछि, यी हुन नेतृत्वका आकांक्षी

काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको…

मानव बेचविखन गिरोहका नाइके प्रहरी खोरमा यस्तो छ अपराध श्रृङ्खला…