महाशिवरात्रि : शिवालयमा पुजाआराधनासँगै बाबा, गाँजाको शिव चर्तिकला अनि सैनिक दिवशको उल्लाश

काठमाडौं । फागुन कृष्ण चतुर्दशी अर्थात महाशिवरात्रि, देशभरका शिवालयमा शिव उपासक हिन्दुहरुको भीड लाग्ने दिन । अझ, यो पर्वको एउटा विशेषता हो, बाबा साधु । शिवरात्रीकै लागि भनेर देशविदेशबाट सन्त बाबाहरु पशुपतिनाथ मन्दिरसँग शिवालयमा आइपुग्नेगर्छन् । कोही शिवलाई खुसी पारि आफ्नो मनोकांक्षा पुरा होस् भन्ने कामना गर्दै ब्रतालु बनेर शिवालयमा धाउँछन त कोही बाबा र गाँजाको शिब चर्तिकलामा मस्त ।

भोक प्यासको प्रवाह नगरि लामबद्ध भएर शिवालयमा भाउने भक्तजनको भीड मध्य रातसम्म जारी रहन्छ, पशुपतिनाथसँगै देशभरका शिवालयमा लाखौँ भक्तजनले पुजाआराधाना गर्छन, आज । अनुहारमा चन्दन, अबीर लगाउने, खरानी धस्ने, त्रिशुल बोक्ने, गाजा खाने बाबाहरुले शिवरात्रीमा गाँजालाई ‘प्रसाद’का रुपमा प्रयोग गर्छन् । अनि उनीहरुको सिको गर्दै बाबा र गाँजाको पछि दौडिन्छन्, युवा युवतीहरु प्नि । यो पनि शिवरात्रिको एउटा विशेषता हो ।

हरेक बर्षका शिवारात्रिमा प्रहरीले गाँजा प्रयोगमा कडाई गरेको दाबी गर्दै आएको छ । तर व्यवहारमा निक्कै कम मात्रै प्रयोग भैरहेको पाइन्छ । बाबाहरुलाई आखिर प्रतिबन्ध लगाउन सकिन्न, यसैको फाइदा उठाउँछन्, युवायुवतीले । अनि लठ्ठिन्छन, गाँजाको नशामा रमाउँछन जय भोलेको तालमा । शिव उपाशकको पुजापाठको लामबद्ध पर्खाइ अनि शिव महिमाको बर्णण गर्दै हुने नाजगान र भजनकिर्तनले सोमबार राती अबेरसम्म निरन्तरता पाउँछ, पशुपतिनाथ, डोलेश्वरसँगै देशभरका शिवालयमा । यो एउटा परम्पराको निरन्तरता पनि हो ।

देशभरका लाखौँ भक्तजन त शिवरात्रीमा पशुपतिनाथ धाम नै धाउँछन् । रमाउँछन, गाउँछन नाच्छन् । आराध्यदेव भगवान् शिवको पूजा–आराधना गरि देशभर मनाइँने यो पर्वमा वैदिक सनातन हिन्दू धर्मावलम्बीहरू बिहानैदेखि नदी, कुण्ड र तलाउमा स्नान गरि शिवालयमा गई श्रद्धाभक्तिपूर्वक पूजा–आराधना गर्छन् । शिवजी उत्पत्ति भएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिव पुराणलगायतका ग्रन्थमा उल्लेख भए अनुसार श्रद्धाका साथ मनाउँदै आइएको छ ।

यति मात्रै होइन्, यसै दिन अर्थात महाशिवरात्रिका दिन नेपाली सेनाले सेना दिवस देशरभर मनाउँछ । नेपाली सेनाले सैनिक मञ्च टुँडिखेलमा व्यावसायिक कला प्रदर्शन गर्नुका साथै शस्त्राभ्यास गर्छ । जहाँ सेनाका परमाधिपति राष्ट्रपति विद्यादेवी भण्डारी, प्रधानमन्त्री मन्त्री उच्चपदस्थ अधिकारी तथा कुटनीतिक नियोगका प्रतिनिधिको सहभागिताले शैनिक मञ्चमा निरन्तरता पाइरहेको छ ।

सेनाले दुई दशकअघिदेखि महाशिवरात्रिको दिनलाई सेना दिवसका रूपमा मनाउँदै आएको छ । सैनिक मञ्चको समारोहमा परेड (शस्त्राभ्यास) र तोप बढाइँ, विपद् व्यवस्थापन अभ्यास तथा इज्जत अर्पण कवाजलगायत विविध सांस्कृतिक कार्यक्रम देख्न सकिन्छ ।

थप समाचार

लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

पाकिस्तान इन्टरनेट पहुँचमा विश्वको सबैभन्दा कमजोर स्थितिमा

भारतको छिमेकी नीतिमा नेपाल उच्च प्राथमिकतामा