४१औं विश्व पर्यटन दिवस, नेपालको नारा– ‘दिगो विकासका निम्ति ग्रामीण पर्यटन’

काठमाडौं । ४१ औं विश्व पर्यटन दिवस विविन्न कार्यक्रम गरी मनाइँदै छ । यस वर्ष ‘दिगो विकासका निम्ति ग्रामीण पर्यटन’ भन्‍ने मूल नाराका साथ देशैभर विभिन्न कार्यक्रम गरी पर्यटन दिवस मनाइँदै छ । संस्कृति, पर्यटन तथा नागरिक उड्डयनमन्त्री योगेश भट्टराईले पर्यटन दिवसको अवसरमा काठमडौंको चोभार स्थित मन्जुश्री पार्क पुगेर वृक्षरोपण गरेका छन् ।

बृक्षारोपण पश्चात मन्त्री भट्टराईले कोभिड १९ का कारण अर्थतन्त्रमा नराम्रोसँग धक्का परेको अवस्थामा पर्यटनको क्षेत्रबाट अर्थतन्त्रलाई उठाउन सकिने बताए । कोभिडका कारण देशको आम्दानीका स्रोतहरु घटेको अवस्थामा राज्यले मानिसको स्वास्थ्यलाई जोगाउन पहिलो प्राथमिकता दिएपनि पर्यटन क्षेत्रको विकासका लागि पनि विभिन्न कार्यक्रम ल्याउने तयारीमा रहेको मन्त्री भट्टराईको दाबी थियो । उपत्यका वरिपरिका डाँडाँहरुलाई समेत घुम्न जाने नजिकको गन्तव्यका रुपमा विकास गरिने उनले बताए । चोभारलाई पनि त्यसै कार्यक्रमसँग जोडेर विकास गरिने मन्त्री भट्टराईको दाबी थियो । मन्जुश्री पार्कसँगसँगै उपत्यका वरिपरिका पहाडहरुलाई पर्यटकीय गन्तव्यका रुपमा विकास गर्न सके उपत्यकाको रात्रिकालीन जीवनको पनि सुरुवात हुने मन्त्री भट्टराईले बताए ।

अबको पर्यटन ग्रामीण पर्यटनमाथि केन्द्रित हुनुपर्ने दाबी गर्दै मन्त्री भट्टराईले गाउँका मानिसहरुको आर्थिक जीवनमा समेत पर्यटनले परिवर्तन ल्याउन सकिने बताए । कोरोना महामारि जारी नै रहँदा देशका पर्यटकिय केन्द्र पोखरा, सौराह खुल्ला गरिएपनि पर्यटन व्यवसायीहरु पर्यटक कुरेर बस्नुपर्नेे अवस्थामा छन् । सरकारले आगामी कार्तिक १ बाट अन्तर्राष्ट्रिय उडान मार्फत समेत पर्यटक आगमन खुल्ला गर्ने तयारीमा छ ।

थप समाचार

लचक बन्दै अध्यक्ष ओली, वरिष्ठ नेता नेपालको तीन बुँदे प्रस्तावले…

एसईईको आन्तरिक मूल्याङ्कनको नतिजा साउन २५ गतेभित्र सार्वजनिक हुने

त्रिभुवन विश्वविद्यालयले विश्वमै पहिलो पटक सुशासन तथा भ्रष्टाचार निवारण अध्ययन–अध्यापन…

चार प्रदेशमा ‘भारी’ वर्षाको पूर्वानुमान, सतर्कता अपनाउन अपिल

रविन्द्र, महेश र गोकुलले उठाएका संघियता र धर्मनिरपेक्षताका सवाल, चुनावी…

मन्त्रिपरिषदलाई पूर्णता दिने गृहकार्यमा सत्तारुढ गठबन्धन, आकांक्षी धेरै हुँदा ढिलाई