Techie IT
Mission Khabar

बन्धुकधारीको गोली प्रहराबाट अमेरिकामा एक प्रहरी मारिए, बन्धक बालबालिका उद्धारमा पुगेका ६ जना घाइते


एजेन्सी–अमेरिकाको साउथ क्यारोलिनामा बन्दुकधारीले सातजना प्रहरी अधिकारीमाथी गोली प्रहार गरेका छन् । गोली लागेका मध्ये एकजना प्रहरीको मृत्यु भएको बताइएको छ ।

बालबालिकालाई बन्धक बनाउनेहरुलाई नियन्त्रणमा लिनेक्रममा बन्दुकधारीले अन्धाधुन्ध गोली चलाएको र ६ जना प्रहरी अधिकारी घाइते भएको बताइएको छ । फ्लोरेन्समा बालबालिकाई बन्धक बनाइएपछि प्रहरीसहितको सरकारी टोली उनीहरुको उद्धारका लागि पुगेको थियो । प्रहरीले दुई घण्टाको प्रयासपछि सबैलाई उद्धार गरी अस्पताल पुर्याउन सफल भएपनि बन्दुकधारीको निशानाबाट भने बच्न सकेनन । अन्धाधुन्दा गोलि चलाउने आक्रमणकारीलाई प्रहरीले नियन्त्रणमा लिएको छ । घटनाबारे अनुसन्धान जारी राखिएको छ भने आक्रमणकारीले के कारणले यस्तो गरेको खुलेको छैन ।

आक्रमणकारीको परिचय समेत प्रहरीले गोप्य राखेको छ । अमेरिकामा अहिलेसम्म यो वर्ष ड्युटिमै रहेका बेला १ सय १२ जनाको मृत्यु भैसकेको छ । सन् २०१७ मा बन्दुक आक्रमणमा परि १५ हजार भन्दा बढीको मृत्यु भएको छ भने हरेक वर्ष बन्दुक प्रहार गरी करिब २२ हजारले आत्महत्या गर्दै आएको सरकारी तथ्यांकले देखाएको छ ।


क्याटेगोरी : विश्व / विविध, समाचार

तपाईको कमेन्ट लेख्नुहोस्