Techie IT
Mission Khabar

नयाँ अमेरिकी राजदूत, बेरी केही दिनमा नेपाल आउने


काठमाडौं – नेपालका लागि नवनियुक्त अमेरिकी राजदूत र्यान्डी बेरी केही दिनमा काठमाडौं आइपुग्ने बताइएको छ । अक्टोबर तीनमा राजदूतको रुपमा सपथ लिएका बेरी केही दिनमा नेपाल आउन लागेको काठमाडौंस्थित अमेरिकी दूताबासले जानकारी दिएको हो ।

दूतावासका अनुसार बेरीले डेपुटी चिफ अफ मिसनको रूपमा सन् २००७ देखि २००९ सम्म नेपालस्थित अमेरिकी दूतावासमा काम गरेका थिए । सन् १९९३ मा अमेरिकाको परराष्ट्र सेवामा प्रवेश गरेका बेरीसँग बंगलादेश, दक्षिण अफ्रिका, इजिप्ट, र युगाण्डास्थित अमेरिकी नियोगमा कुटनीतिज्ञको रुपमा काम गरेको अनुभव पनि छ । नेपालको राजदूत नियुक्त हुनुअघि उनी न्युजिल्याण्डमा कार्यरत थिए ।

समलंगी अधिकारकर्मी समेत रहेका बेरीलाई पूर्व अमेरिकी राष्ट्रपति बाराक ओवामाले समलिंगी अधिकारसम्बन्धी अन्तर्राष्ट्रिय दूत नियुक्त गरेका थिए ।


क्याटेगोरी : विश्व / विविध, समाचार
ट्याग : #hot

तपाईको कमेन्ट लेख्नुहोस्