चिनिया र पाकिस्तानी प्रधानमन्त्रीबीचको भेट, उर्जा र यातायात सेवा विस्तारमा समझदारी

मिसन खबर १७ कार्तिक २०७५, शनिबार १५:३५

एजेन्सी–पाकिस्तानका प्रधानमन्त्री इमरान खान र चिनिया प्रधानमन्त्री लि खछ्याङबीच भेटवार्ता भएको छ । बेइजिङमा भएको भेटमा दुई देशबीच उर्जा र यातायात सेवा विस्तार गर्ने समझदारी भएको छ ।

पाकिस्तानी प्रधानमन्त्री खानले भेटका क्रममा चीनको सहयोगले मात्रै पाकिस्तान सम्बृद्धितर्फ जानसक्ने बताए । चिनिया प्रधानमन्त्री लिले पनि दुई देशको सम्वन्ध सकारात्मक रहेको बताउँदै पाकिस्तान चीनको असल साझेदार रहेको र रहिरहने बताएका थिए । खछ्याङले पाकिस्तान सधै चीनको प्राथमिकतामा पर्ने विश्वास दिलाए । भेटवार्ताका क्रममा पाकिस्तानी प्रधानमन्त्री खानले चिनिया प्रधानमन्त्री लि खछ्याङलाई पाकिस्तान भ्रमणको निमन्त्रणा दिएका थिए । खान र चिनिया राष्ट्रपति सी जिङपिङबीच भने यसअघि नै भेटवार्ता भएको छ ।

पाकिस्तानमा चीनको लगानी ठुलो छ । दुई देशले चीन–पाकिस्तान आर्थिक करिडोर बनाउँदै छन् भने ‘बेल्ट एण्ड रोड इनिसियटिभ ‘विआरआई’ लगायतका ठूला परियोजनामा पनि चीन र पाकिस्तानबीच सहकार्य रहँदैआएको छ ।

क्याटेगोरी : विश्व / विविध, समाचार