सम्झनामा प्रथम विश्वयुद्ध, सय बर्षको स्मरणले विश्वका ७० शक्तिशाली नेतालाई पुर्यायो फ्रान्स

मिसन खबर २५ कार्तिक २०७५, आईतवार ११:०३

एजेन्सी– प्रथम विश्वयुद्ध अन्त्यको एक सय बर्ष पुगेको सम्झना गर्दै फ्रान्समा विशेष कार्यक्रम आयोजना भयो । पहिलो विश्वयुद्ध सकिएको एक सय वर्ष पुगेको अवसरमा आयोजित समारोहमा अमेरिकी राष्ट्रपति डोनाल्ड ट्रम्प, जर्मन चान्सलर एंगेला मर्केल लगायतका ७० जना विश्वका शक्तिशाली नेता फ्रान्समा भेला भए ।

फ्रान्सका राष्ट्रपति इम्यानुएल म्याक्रोन र जर्मन चान्सलर मर्केलले स्मृति पुस्तिकामा हस्ताक्षर गरेर प्रथम विश्वयुद्ध अन्त्य भएको दिनको सम्झना गरेका थिए । सन् १९१८ मा युद्ध अन्त्य भएको सम्झौता एउटा ट्रेनमा गरिएझैँ प्रतीकात्मक रूपमा ट्रेनमा बसेर दुई नेताले स्मृतिपुस्तिकामा हस्ताक्षर गरे । मर्केल र म्याक्रोनले फ्रान्स जर्मनीबीच मेलमिलाप दर्शाउने एउटा शिलालेखको अनावरण गरेर शान्ति र मेलमिलापको कामना गरेका थिए ।

अज्ञात सैनिकहरूको चिहान रहेको ठाउँमा विश्वयुद्धको सम्झनामा विशेष कार्यक्रम गरिएपनि सुरक्षाको कारण देखाउदै अमेरिकी राष्ट्रपति ट्रम्प भने पूर्वनिर्धारित भ्रमणबाट पछि हटे ।

क्याटेगोरी : विश्व / विविध, समाचार