ब्रेक्जिट बहस : बेलायत मार्च अगावै बाहिरिए ‘सम्झौताविहीन आकस्मिक योजना’ ल्याउने युरोपेली आयोगको तयारी

एजेन्सी /काठमाडौं–बेलायतले आगामी मार्च अगावै युरोपेली संघ त्याग गरेमा युरोपेली आयोगले ‘सम्झौताविहीन आकस्मिक योजना’ सार्वजनिक गर्ने भएको छ । आयोगले यो योजनामार्फत बेलायतको बहिर्गमनबाट संघलाई पुग्ने सम्भावित क्षती घटाउने अपेक्षा गरेको छ ।

मुख्यतः दुवै राजनीतिक निकायका वित्त र यातायातमा पुग्ने क्षतीलाई नियन्त्रण गर्न यो अभियान चाल्न लागिएको हो । यसक्रममा युरोपेली आयोगले ८ विभिन्न क्षेत्रमा आधारित १४ वटा कोरा प्रस्ताव सार्वजनिक गर्ने तयारी गरिरहेको छ । आयोगको प्रस्तावमा सडक र भन्सारलाई समेटिने छ । अन्य क्षेत्रहरुमा गोप्य तथ्यांकको संरक्षण, पशु स्वस्थ्य र बोटबिरुवा, जलवायू नीति तथा संघमा आवद्ध मुलुकमा वसोवास गरिरहेका बेलायती नागरिकको अवस्थालगायत रहेका छन् । बेलायती प्रधानमन्त्री टेरिसा मेले प्रस्ताव गरेको ‘ब्रेक्जिट’ योजनाले अप्रत्यासित विवादको सामना गरिरहेका बेला युरोपेली आयोग र बेलायत दुवैले सम्भावित जटीलता न्यूनिकरणका लागि तयारी थालेका हुन् ।

बेलायत सरकारले यही प्रयोजनका लागि २ दशमलब ५ विलियन डलर छुट्याइ सकेको छ । ब्रसेल्सले भने बेलायतको औपचारिक बहिर्गमनका लागि निश्चित समयसीमा तोकिने र उक्त अवधिभित्र बेलायतले ‘ब्रेक्जिट’सम्बन्धी समस्या सुल्झाउन नसके कुनै पूर्वसहमति बिना निस्कर्षमा पुग्ने अडान दोहो¥याउदै आएको छ ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

अफगान महिलाद्वारा एनजीओमा काम गर्ने प्रतिबन्ध हटाउन तालिबानलाई आग्रह

पाकिस्तान सरकारद्वारा पेट्रोल र डिजेलमा लेभी बढाउने योजना

ताइवानद्वारा थप ९ चिनियाँ सैन्य विमानहरू ट्र्याक

पाकिस्तानमा ८ वर्षीय बालिकाको बलात्कारपछि हत्या

भारतकाे हरियाणामा जुलाईमा जी–२०को बैठक हुँदै