इन्डोनेसियामा ज्वालामुखी र सुनामीको संन्त्रास, ज्यान गुमाउनेको संख्या ३ सय ७३ पुग्यो

एजेन्सी–इन्डोनेसियाको क्राकातोए ज्वालामुखी बिस्फोटपछि फैलिएको सुनामीका कारण ज्यान गुमाउनेको संख्या ३ सय ७३ पुगेको छ । इन्डोनेसियाको विपद व्यवस्थापन एजेन्सीका अनुसार अहिलेसम्म सुनामीका कारण ३ सय ७३ जनाको ज्यान गएको हो ।

शनिबार राति गएको सुनामीबाट इन्डोनेसियाको जाभा र सुमात्राका आइल्याण्ड क्षेत्र बढी प्रभावित भएका थिए । ज्वालामुखी बिस्फोट भएका कारण आइल्याण्डसँग जोडिएको समुद्री क्षेत्रमा पहिरो जादा सुनामी आएको बताइएको छ । सुनामीमा परि १४ सय ५९ जना घाइते भएका छन् भने १ सय २८ भन्दा बढी अझै बेपत्ता रहेको अधिकारीहरुले जनाएका छन् । एनाक क्राकातोए ज्वालामुखी आइतबार पुन ः लाभा र खरानी सहित बिस्फोट भएको थियो ।

अझै ज्वालामुखी बिस्फोट र सुनामीको जोखिम उच्च रहेको भन्दै सचेत रहन भनिएको छ । राजधानी जकार्ता नजिकै रहेको विश्व प्रशिद्ध पर्यटकीय गन्तव्य आसपासमा सुनामीको असर परेको पाइएको छ । सन्डा स्ट्रेटका पानडेग्लाङ्ग, सेराङ्ग र दक्षिण लामपुङ्ग क्षेत्र प्रभावित भएका छन् । क्राकातोए ज्वालामुखीबाट निस्कएको लाभा पाँच सय मिटर माथिसम्म फैलिदा त्रासदी बढेको थियो ।

यसअघि सन् २००४ को डिसेम्बर २६ मा भूकम्पपछि गएको सुनामीमा परेर १३ देशका दुई लाख २६ हजार मानिसको ज्यान गएको थियो । यसरी ज्यान गुमाउनेमा इन्डोनेसियाका मात्रै एक लाख २० हजार भन्दा बढी थिए । इन्डोनेसियाको विपद व्यवस्थापन एजेन्सीले अहिलेपनि जोखिम टरिनसकेको भन्दै सजक रहन प्रभावित क्षेत्रका स्थानीयलाई सचेत गराइरहेको छ ।

थप समाचार

एनआरएनए अष्ट्रेलियाको अध्यक्षमा नन्द गुरुङ, यी हुन अरु विजयी उम्मेदवार…

जापानमा बढ्दै कोरोना संक्रमण, राजधानी टोकियोसहित आसपासका क्षेत्र र ओसाकामा…

कथा चित्रकारको काश्मीर देखि चीन सम्मको यात्रा

चिनियाँ कम्पनीद्धारा प्रतिबन्धित इरान र भेनेजुयलासँग इन्धन व्यापार

अमेरिकाले यो बर्ष नै क्वाड सम्मेलन आयोजना गर्दै

यूएइमा सञ्चालनमा ल्याइयो भारतीय प्रवासी लक्षित न्युज पोर्टल